Soul Case

Soul Case е алиас на Бојан Јанев, DJ, digger и промотер од Скопје. Недоволната поддршка на младите креативни индивидуалци за него претставува мотивација постојано да се обидува да ги движи работите напред – и за себе, но исто во правец на диверзификација на локалната сцена. Неговиот проект “Oubli”, основан зимото 2018 година, за брзо време привлече многу внимание поради свежината која ја внесе во досадното општество.

Иако неговите музички почетоци се во тинејџерските години во златното време со хип-хоп, големо влијание на него има soul/disco музиката, преку која ја открива underground музиката, сепак во целото творење тој се предизвикува сам себеси да биде што е можно по разновиден и еклектичен. Не плашејќи се да преземе ризик, експериментира и возбудува со своите сетови, не оставајќи им простор на уживателите на подиум да го предвидат неговиот следен чекор.

На само 24 години веќе има своја значајна позиција на underground сцената во Скопје, и има свои резидент журки во легендарното Сектор909 и клубот Минус Еден. Неговите вештини беа забележани и надвор од земјата, па неговите сетови се слушаат во Белград, Берлин, Токио, Осака и Јужна Кореја.

Низ годините имал можност да пушта музика заедно со ‘Running Back’ boss Gerd Janson, ‘Uzuri Recordings’ own Lakuti, Tornado Wallace (Runing Back), house Don Osunlade (Yoruba Records), Lipelis (Animals Dancing), Benedek (Second Circle) и Julian Horn – се само неколку имиња од долгата листа. Негови миксови и гостувања можеле да се слушнат на Fauve Radio (Hong Kong), Hamon Radio (Tokyo) и Norio AZ Music Radio (Osaka).

Не очекувајте ништо помалку од едно музичко патување исполнето со најразлични звуци – од класични хаус траки, obscure and percussive goodies, African jams or feel-good disco.