Димитар, оригинално дел од креативниот тим на Македонскиот народен театар, или Димиш – на локалната клупска сцена од поново време, а вљубен во музиката откога знае за себе. Постојаната потреба од експериментирање со жанрови го охрабрува да го направи првиот чекор кон презентирање на својата музичка селекција пред публика. Како дел од музичкиот спој Baby Beef Crew во 2019 година започнува со организирање на забави во повеќе скопски локали, каде што спектарот на музика варира од денски easy listening, до клупски и психоделични звуци.
