Гоги е музички продуцент/диџеј од Скопје, кој по завршувањето на нижо и средно музичко училиште, дипломира и специјализира на факултетот за Аудиовизуелна реализација ЕСРА како Инженер на звук и музички продуцент. По завршувањето на школството ја започнува својата кариера како продуцент со артисти од Македонија и Бугарија и во 2018 година издава албум со издавачката куќа “PMG Recordings”.

После краток период ја продолжува својата кариера во музиката и како диџеј. Неговите сетови се комбинација од Funk House, Disco House, Tech House и Afro House жанрови на музика кои често ги пушта во локалните места како: Bistro Komedija, Amigos, Bonobo, Three Kitchen, Makka, Kino Karposh, Soma, Summer Bar Ratrak, MG Bar, Pogon Bar, Club Fortress, Club Havana итн…

Препознатливоста на неговиот звук и диџеј сетови му дава можност да настапи и на поголеми евенти како: Paradise Festival, Cafe De Anatolia Experience, 150 Years of Heineken, Flash Club Bansko (BG), Extreme Power City, Vrteleska…

Во 2025та година го издава својот сингл “SNACKS” заедно со издавачката куќа “Caffe De Anatolia” а до крајот на истата година треба да излезе и неговото прво EP.

Неговата страст кон музиката му овозможува да го продолжи своето патување кон идни соработки и нови искуства.