“Татковина: Споменик на слобода” претставува долгогодишен интердисциплинарен и документарен уметнички проект во организација и изведба на визуелната уметница Елена Чемерска кој има за цел долгорочна физичка и значенска ревитализација на Споменикот на слободата во Кочани и неговата утописка програма.

Проектот е започнат во 2017-та година, а низ текот на годините во неговите рамки се направени бројни соработки со дејци од различни сфери и дисциплини од областа на културата земена во нејзината поширока смисла, но и со локалната заедница како клучен актер во обидот да се ревитализира Споменикот на слободата и повторно да се активира неговиот еманципаторски потенцијал.

Споменикот на слободата во Кочани е изграден на ридот Локубија над градот Кочани во 1981-ва година во чест на 40-тата годишнина на НОБ, светската антифашистичка борба и формирањето на македонската држава.

Тој е дело на уметникот Глигор Чемерски и архитектот Радован Раѓеновиќ.

Платформата Терапија / Terapija дава нова вредност на македонското културно наследство. Преку DJ сетови на домашни и странски артисти, проследени со сценски ефекти, создаваме перформанси кои оставаат траен печат на културната и клупска сцена.

На овој начин, преку музиката, спомен обележјата и целокупното културно наследство го доближуваме и до младите генерации.

И овој пат се фокусираме на домашната и регионслната сцена гости на настанот ќе бидат :

Oda Haliti 
Chorbika 
Ilina Angel 

Повеќе информации наскоро.

За артистите:

Oda Haliti спаѓа во кругот на неколкуте извонредни уметници, чие посебно деби можеме да го доживееме само еднаш во една деценија.

Без никаква поддршка за комерцијална промоција, таа успеа да се претстави со својот необработен талент и да биде поканета директно од Приштина на најреномираните меѓународни клубови и фестивали. Само да наведеме неколку, таа веќе има настапувано на места како Berghain (Берлин), Boiler Room, Rote Sonne (Минхен), Nordstern (Базел), Ankali (Прага), Motel Campo (Женева), Kala Festival (Dhërmi), Sunny Хил (Приштина), како и на Модната недела во Берлин, Неделата на уметност во Базел, Чарли (Минхен) и многу други.

За оние кои сè уште не ја запознале: Oda Haliti е родена и израсната во Приштина. Повеќе од 12 години таа е вреден и етаблиран диџеј артист на електронската музичка сцена на Балканот.

Покрај нејзината страст за музиката, Oda Haliti е неуморна активистка за човекови права, вклучена во многу општествени ангажмани кои имаат значително позитивно влијание на балканската културна сцена.

Надвор од музиката и активизмот, Oda Haliti има огромно искуство работејќи како успешен претприемач, водејќи неколку барови/клубови и ресторани во Приштина, а исто така и како ПР експерт, организатор на настани и фестивали, пред да започне нејзината кариера како диџеј.

Стилот на Oda Haliti како диџеј се заснова на курирање на избор на песни од диско до техно, измешани со acid и експериментална електроника. Нејзиниот начин на миксање на овие различни жанрови, а истовремено да одржува фанки и секси грув е она што го прави нејзиниот настап посебен и го претвора секој подиум во огнена забава.

Chorbika е Јелена Станковиќ, белградска диџејка и промотерка на забави. Таа ја основа својата сопствена издавачка куќа „Чорбика рекордс“ во 2018 година. Оттогаш го издаде своето прво ЕП насловено „Ти и јас“, кое го направи заедно со еден од најголемите продуценти од балканскиот регион – МКДСЛ, како и сингловите: Колосио. – West Cowboys и MKDSL&Kezz – Zdenka.

Со оглед на тоа што е многу активна на локалната сцена, и како диџеј и како промотер, букирајќи ги некои од врвните имиња и продуцентски куќи, Чорбика се позиционира во нова и препознатлива атмосфера. Таа беше првата што ги резервира чудесните Autarkic, Simple Symmetry, Zombies in Miami, Tyree Cooper, Jacques… набројани само неколку. Во последните неколку години настапувала во Тел Авив, Ерусалим, Ашдод, Сплит, Тисно, Загреб, Виена, Приштина, Темишвар, Софија, на островот Корчула и Хвар како и во други градови во регионот.

Chorbika е името што свири во најпопуларните белградски електронски клубови како Drugstore, 20/44… Таа е резидент на белградскиот културен центар – Кц Град.

Нејзиниот музички стил варира од техно, хаус, електро, диско и во зависност од расположението понекогаш се слушаат звуците на Африка и ориентот. Од 2019 година таа стана водителка и автор на радио емисија на РадиоАпарат наречена Chorbicast, каде презентира музика, музичари и продуценти, како и публиката, која е составен дел на секој подиум, каде што публиката добива шанса да се претстави и да ги раскаже своите музички искуства.

Ilina Angel е присутна на музичката сцена како диџеј, прoмотер и радио водител уште од почетокот на 2000-та декада. Нејзиниот музички бекраунд во електронската музика доаѓа од многуте ноќи поминати на скопските подиуми, пред сè како интегрален дел од промотивните забави и мултимедијални настани на ПМГ колективот, уште од средината на 90-те.

Вистинска љубов кон винилот и диџејството се разви за време на нејзините магистерски студии по дизајн за театар и филм, на престижниот Ст. Мартин’с Колеџ во Лондон, во сезоната 2002/03. Во Лондон, Илина развива блиско пријателство со двајца исклучителни диџеи и воедно нејзини ментори во оваа професија, Џони Павлатос и Холи Ингелтон, кои се главни виновници да почне да го сфаќа диџејството како сериозна професија. Музички, овие години е под големо влијание на лондонската андерграунд клупска сцена, особено звукот кој орбитира околу тогаш многу влијателните Сваг Рекордс и Фоника, издавачки куќи и култни продавници за плочи кои имаат значителна улога кон градење на нејзиниот музички вкус.

Во следната деценија, назад во Скопје, Илина се потврдува како независен промотер, радио водител во легендарното алтернативно скопско радио Канал 103 и се етаблира како еден од најприсутните, интересни и свежи диџеи во Македонија. Следуваат безброј журки, тематски настани зачинети со посебен автентичен печат карактеристичен за Илина и нејзиниот уметничко-музички бекграунд. Креативните вечери како Видеодром во Сектор, Ремемембер Д Тајм во Хард Рок, Пинк Пантер и Фрозен во Тренд и култните вечери во Папаја, се само дел од нејзиниот идејно-промотивен и музички репертоар кои оставија неизбришлива трага врз историјата и влијанијата на скопската клупска сцена.

Со толку години искуство, нејзината агенда е сè уште полна, редовно е присутна на листите на речиси сите реномирани скопски клубови, како Епицентар, Минус1 и Станица 26. Има настапувано повеќе пати и надвор од државата, во Тирана, Белград, Солун, Лондон и Истанбул.

Нејзиниот музички стил опфаќа широк спектар на повеќе стилови како електро-диско, модерен есид хаус, тек-хаус и мелодично техно, а со својот неуморен карактер, постојано е во потрага по свежи и возбудливи нешта.